საქართველოს მონიტორინგის საკითხებში ევროპის საბჭოს საპარლამენტო ასამბლეის თანამომხსენებლები ტიტუს კორლატეანი (რუმინეთი) და კლოდ კერნი (საფრანგეთი) საქართველოში განვითარებულ მოვლენებთან დაკავშირებით შეშფოთებას გამოთქვამენ და პოლიტიკურ ძალებს მოლაპარაკებების მაგიდასთან დაბრუნებისკენ მოუწოდებენ. „მიუხედავად იმისა, რომ არავინ უნდა იყოს კანონზე მაღლა, „ნაციონალური მოძრაობის“ შტაბ-ბინაზე პოლიციის თავდასხმამ და ოპოზიციის ლიდერის, ნიკა მელიას დაპატიმრებამ ზედმეტად გაამძაფრა ვითარება ოპოზიციასა და მმართველ უმრავლესობას შორის და ქვეყანაში პოლიტიკური კრიზისი გააღრმავა. საქართველოს დემოკრატიულ განვითარებას სჭირდება თავშეკავება, დიალოგი და კომპრომისი და არა ესკალაცია და დაპირისპირება“, – ნათქვამია თანამომხსენებლების განცხადებაში. მათ საქართველოში მოქმედ ყველა პოლიტიკურ ძალას მოუწოდეს, თავი შეიკავონ ნებისმიერი ქმედებისაგან, რაც კიდევ უფრო დაძაბავს ვითარებას და მოლაპარაკებების მაგიდას დაუბრუნდნენ, იმისთვის, რომ არსებული კრიზისის მოსაგვარებლად პოლიტიკური და ორმხრივად მისაღები გადაწყვეტილება გამონახონ....