2 მაისს ყაზახეთში გაიმართა ჟურნალისტ ჟამილა მარიჩევას სასამართლო პროცესი. მას ასამართლებენ სტატიისთვის, რომელიც დაწერა რადიო თავისუფალი ევროპა/რადიო თავისუფლების (RFE/RL) ყაზახური სამსახურის მხარდასაჭერად. მარიჩევა 24 აპრილს, გვიან საღამოს დააკავეს გარეთ ვარჯიშის, სირბილის დროს. მას ბრალად წაუყენეს "ყალბი ინფორმაციის" გავრცელება. ბრალდება უკავშირდება სტატიას, რომელიც ჟურნალისტმა იანვარში გამოაქვეყნა თავის ტელეგრამის არხ ProTenge-ზე და რომელშიც ლაპარაკობდა რადიო თავისუფლების ყაზახური სამსახურის პრობლემებზე საგარეო საქმეთა სამინისტროსგან აკრედიტაციის მიღების პროცესში, რამაც გააღრმავა შიში, რომ მთავრობა ცდილობს დამოუკიდებელი მედიის ჩახშობას. მარიჩევა სტატიაში რადიო თავისუფლების ყაზახურ სამსახურს აქებდა პროფესიონალიზმისთვის და ხაზს უსვამდა ამ მედიასაშუალების გადაცემების მნიშვნელობას ყაზახეთის საზოგადოებისთვის. ასევე ნახეთ ყაზახეთის პარლამენტმა მეორე მოსმენით მიიღო „მასმედიის შესახებ“ კანონპროექტი ...